2022-01-14 【精簡程序 迅速救市】林健鋒議員

【精簡程序 迅速救市】

政府公布延長一系列社交距離措施14天，直至大年初三（2月3日），我認為，Omicron變種病毒仍在社區肆虐，存在隱形傳播鏈，我明白連續2年於農曆新年前後收緊防疫措施，對於各行各業同市民生計都會帶來沉重打擊，我促請政府於2月23日財政預算案宣布向市民派1萬元電子消費券，爭取於7月1日前派發「落袋」，以「快狠準」行動「救市」，令社會有較和諧氣氛迎接香港回歸祖國25周年。

我又歡迎特首公布第五輪防疫抗疫基金，涉及35.7億元，下周開始接受申請，我希望政府以「精簡程序，迅速派發」為大原則，令受疫情影響嘅各行各業盡快取得「救命錢」渡過年關。

另一方面，我亦收到多個行業反映，對於政府每次遇到疫情反彈，就「一刀切」關閉表列處所嘅做法有意見，認為呢個做法令到各行各業一同承受苦果。

我同意政府指若無本地爆發，會以「疫苗氣泡」為基礎，年初四起逐步放寬社交距離措施，我亦希望，政府一併檢視表列處所停業機制及準則，以靈活處理手法，讓長期無確診個案嘅行業有空間繼續營業。舉個例子，美容業無確診個案，係咪可以畀佢哋繼續營業，即使要略為調整營業時間；戶外運動體育場所較為空曠，係咪有空間彈性處理開放時間呢？

#救市要快
#派一萬電子消費券
#同心抗疫
#快打疫苗